Mu Rwanda habonetse abarwayi 101 ba covid-19 biganjemo abafungwa #rwanda #RwOT

Abanduye bashya babonetse mu buryo bukurukira : Kigali:22, Rusizi:3, Rubavu:2, Kayonza:1, Kirehe:1 mu itsinda ry'abafungwa bo mu karere ka Ngoma:72 bahuye n'abanduriye i Rusumo.

Abagororwa bivuga abari mu Gereza bakatiwe n'inkiko, naho abafungwa bivuga abantu bafunzwe ariko batarakatirwa n'inkiko aba baba muri kasho za polisi.

Umuvugizi w'urwego rw'Igihugu rushinzwe imfungwa n'abagororwa CIP Sengabo Helaly yavuze ko abantu 72 basanzwemo covid-19 ari imfungwa ziri muri za kasho atari abagororwa bari muri gereza.

Imibare mishya y'abanduye yatumye abamaze kwandura bose hamwe baba 1001, ntawakize bituma abamaze gukira bakomeza kuba 443, abakirwaye babaye 556 bavuye kuri 455.

Ku rwego rw'Isi abamaze kwandura covid-19 barenga miliyoni 10, abo imaze guhitana barenga ibihumbi 500, naho abamaze kuyikira barenga miliyoni 5,6.



source http://www.ukwezi.rw/mu-rwanda/Ubuzima/article/Mu-Rwanda-habonetse-abarwayi-101-ba-covid-19-biganjemo-abafungwa

Post a comment

0 Comments