Abafaba ba Rayon Sports bari baherekeje ikipe ya bo muri Tanzania, bafatiwe mu nzira banasohorwa mu modoka kubera ngo imodoka yarengeje ibiro.
Aba bakunzi ba Rayon Sports bagiye n'imodoka ya Ritco bagezeyo mu ijoro ryo ku wa Gatanu mu gihe umukino wabaye ku wa Gatandatu tariki ya 27 Nzeri 2025.
Wari umukino wo kwishyura wa CAF Confederation Cup aho Singida Black Stars yabatsinze 2-1 bahita banasezerera Rayon ku giteranyo cy'ibitego 3-1.
Uyu mukino ukaba warabereye Dar es Salaam, abakunzi ba Rayon Sports bakaba barahise basubira mu modoka baraza.
Mu ijoro ryakeye rishyira kuri uyu wa Mbere ubwo bari hageze Singida, bahagaritswe n'amashinzwe umutekamo bapima ibiro imodoka itwaye basanga birarenga.
Niko kubakuramo babashyira ku ruhande ndetse bababwira ko kuhava bishyura amande y'ibihumbi 650 by'amashilingi, ni ukuvuga hafi ibihumbi 400 by'amafaranga y'u Rwanda, kugeza aka kanya yari atarishgurwa.
Amakuru kandi ISIMBI yamenye ni uko bagenda nabwo bahagaritswe nabwo bakabwirwa ko ibiro birenze, byabaye ngombwa ko bishyura ibihumbi 500 by'amashilingi ya Tanzania kugira ngo babareke bakomeze urugendo.
