Nyuma y'uko ikipe ya Newcastle United iguye mu ihurizo rikomeye, aho umukinnyi wayo Sandro Tonali yahawe ibihano byo kumara amezi 10 adakina kubera guhamwa n'ibyaha byo gutega (betting), igisubizo irakibona mu ikipe ya Manchester City ku mukinnyi wayo Kalvin Phillips.
Umwongereza Kalvin Mark Phillips w'imyaka 27 usanzwe ukina mu kibuga hagati mu ikipe ya Manchester City yageze muri iyi kipe mu mwaka ushize wa 2022 avuye mu ikipe ya Leeds United. Nyuma yo kugera muri Manchester City ariko, Phillips yagowe no kubona umwanya wo gukina byanaturutse ahanini ku bibazo by'imvune.
Kuba ikipe ya Newcastle United idafite Tonali, ngo irabona Kalvin Mark Phillips nk'igisubizo ndetse ngo yiteguye kuba yasinyisha uyu musore mu isoko ry'igura n'igurisha ryo muri Mutarama 2024 cyane ko nawe yifuza gutandukana na Manchester City.
Source : https://yegob.rw/newcastle-united-irabona-amakiriro-mu-mukinnyi-wikipe-ya-manchester-city/
