Ku nshuro ya mbere ikipe ya APR FC izitabira irushanwa rya Mapinduzi Cup nk'umutumirwa, rizabera muri Zanzibar guhera tariki 28 Ukuboza 2023 kugeza 13 Mutarama 2024.
Iyi kipe y'Ingabo z'Igihugu yakiriye ubutumire bwa Federasiyo ya Zanzibar iyisaba kwitabira iri rushanwa.
Mapinduzi Cup yitabirwa n'amakipe yo muri Zanzibar na Tanzania ndetse n'ayo hanze y'ibi bihugu yatumiwe.
Mu makipe yo muri Tanzania akunda kwitabira iki Gikombe harimo Simba SC, Yanga SC, Azam FC, Namungo, Singida Big Stars, Mtibwa Sugar n'ayandi.
Hari kandi ayo muri Shampiyona ya Zanzibar nka Mlandege FC, KMKM, Jamhuri FC, Polisi Zanzibar n'ayandi.
