Abanyarwanda n'abanyamahanga batandukanye barimo n'ibyamamare banyuzwe n'amafunguro ndetse n'ibinyobwa bya Kinyarwanda byagaragaye mu gitaramo 'Intango Cultural Night'.
Iki ni igitaramo cyabaye mu ijoro rya tariki 29 Nyakanga 2023 cyateguwe n'umutetsi wabigize umwuga wa Park Inn by Radisson Hotel, Ngayaboshya Emmanuel (Chef Emma) ku bufatanye n'Inteko y'Umuco.
Ni igitaramo cyahawe insanganyamatsiko igira iti 'Tumurike indyo nyarwanda ku rwego mpuzamahanga.' Abanyarwanda n'abanyamahanga batandukanye bitabiriye iki gitaramo cyari kiyobowe na Alice Kamasoni, bataramirwa na Ruti Joël na Mushabizi.
