Uyu mukino uteganyijwe ku isaha ya saa tatu z'ijoro za hano mu Rwanda, urabera kuri Ataturk Olympic stadium, uze gusifurwa na Szymon Marciniac ukomoka mu gihugu cya Pologne.
Abakinnyi bashobora kubanza mu kibuga ku mpande zombi ni Ederson Santana Moraes, Kyle Walker, Ruben Diaz, Nathan Ake, John Stones, Rodri, Bernaldo Sliva Kevin De Blyne, Ilkay7 Gundogan, Jack Peter Grealish na Erling Haaland ku ruhande rwa Manchester City.
Ku ruhande rwa Inter Milan abakinnyi bashobora kubanza mu kibuga ni Andre Onana, Mateo Darmian, Francescon Acerbi, Alesandro Bastoni, Federico Di Marco, Hakan Calhanoglu, Marcelo Brozovic, Nikolo Barella, Denzel Dumfries, Lautaro Martinez na Eden Dzeko.
Ubusanzwe aya makipe ntabwo ajya akunda guhura. Aheruka guhurira mu mikino ibiri ya gicuti yakinnye muri 2010 ndetse na 2011.
Umukino wo muri 2011, ikipe ya Manchester Citry yatsinze Inter Milan ibitego bitatu ku busa. Muri 2010 na Inter Milan yari yatsinze Manchester City ibitego bitatu ku busa.
Ubu muri UEFA Champions League hasigayemo amakipe abiri. Igitangaje ni uko irushanwa ritangira yari amakipe 32.
Duhereye muri 1/8 amakipe yarimo ni Liverpool yakuwemo na Reral Madrid, Brussia Dortmund yakuwemo na Chelsea, LB Leipzig yakuwemo na Manchester City, Paris Saint-Germain ikurwamo na FC Bayern Munich, Tottenham ikurwano na AC Milan, Einteancht Frankfurt ikurwamo na Napoli, Club Brugge yakuwemo na Benfica naho ikipe ya FC Porto ikurwamo na Inter Milan.
Muri kimwe cya kane nabwo amakipe yakuranyemo mu buryo bukurikira. Ikipe ya Real Madrid yakuyemo Chelsea, ikipe ya Manchester City ikuramo ikipe ya Bayern Munich, Inter Milan yakuyemo Napoli naho AC Milan ikuramo Benfica.
Muri kimwe cya kabiri naho umuriro waratse. Mu Butaliyani byari umuriro mu gace ka Madonina ikipe ya Inter Milan yasezereye AC Milan. Undi mukino karundura ni uwo ikipe ya Manchester City yasezereyemo ikipe ya Real Madrid.
Ubu igitahiwe ni umukino wa nyuma hagati ya Inter Milan na Manchester City. Umutoza wa Manchester City kuva yagera mu ikipe ya Manchester City yayishyize ku rundi rwego.
Mu myaka amaze muri Manchester City ibikombe bya Shampiyona yarabitwaye yikuza ibindi. Icyo atari yakorera ikipe ya Manchester City ni ukuyiha igikombe cya UEFA Champions League. Igihe yari agiye kubigeraho, ntabwo azibagirwa ibyo yakorewe n'Umudage witwa Kai Havertez.
Nk'uko tubicyesha ikinyamakuru BBC Sport ngo gahunda ijyanye Pep Guardiola mu gihugu cya Turkey ni uguterura igikombe cya UEFA Champions League.
Ikipe ya Manchester City nta nshuro n'imwe iratwara iki gikombe cya UEFA Champions League. Ikipe ya Inter Milan biraba bihanganye yo igifite inshuro eshatu zose.
Ruraba rwambikanye hagati y'abakinnyi ba Manchester City na Inter Milan
Mu kibuga hagati niho umukino ukunda kubakirwa ku mpande zombi
Igikombe cya UEFA Champions League kiraba cyahuruje imbaga nyamwinshi mu gihugu cya Turkey
/cdn.vox-cdn.com/uploads/chorus_image/image/72290481/1255637295.0.jpg)
Ikipe ya Manchester City yageze ku mukino wa nyuma isezereye Real Madrid
Icyipe ya Inter Milan yageze ku mukino wa nyuma isezereye ikipe ya AC Milan
