Header Ads Widget

Technology

Miss Akariza Amanda yahishuye byinshi ku rukundo rwe n'umusore yihebeye #rwanda #RwOT

Miss Akaliza Amanda yahishuye byinshi ku musore bari mu rukundo birimo ko ariwe wamwisabiye ko bakundana ndetse naho bahuriye.

Ibi yabitangaje abinyujije mu mashusho yasangije abamukurikirana ku rukuta rwe rwa Instagram, ari kumwe n'uyu musore w'umuzungu yihebeye.

Muri aya mashusho hari aharimo ikibazo kibaza uwavuze ko akunda undi mbere, basubiza iki kibazo bagaragaje ko Akaliza ariwe wavuze ndagukunda bwa mbere.

Mu butumwa yakurikije aya mashusho Miss Akaliza yahishuye ko uyu musore bahuriye mu Bwongereza mu myaka ine ishize.

Ati: 'Twahuriye muri London imyaka 4 ishize, ngerageza kwishakisha mu rugendo rurerure rw'imyaka 3 ntahirirwa nk'uko mbyifuza (Imana ishimwe yaremye umuntu uzi kwihangana). Nabyeruye amezi 7 ashize, twongeye guhura bwa mbere mu myaka 4 ishize mu kwezi gushize none ubu dufite iteka ryose ryo kugumana".

Yakomeje agira ati "Nta kintu kiza kiriho keretse Imana ikirimo. Izere Imana ko yaguha uwa nyawe kandi ikamukuzanira mu gihe cya nyacyo. Itari igihe cyawe ahubwo icyayo, itari mu buryo bwawe ahubwo ubwayo.'



Source : https://umuryango.rw/imyidagaduro/article/miss-akariza-amanda-yahishuye-byinshi-ku-rukundo-rwe-n-umusore-yihebeye

Post a Comment

0 Comments

Nature