Umutwe wa M23 wafashe mpiri Umusirikare mukuru muri FARDC witwa Lt Col Assouman,usanzwe ari Komanda wa Batayo ya 213 wari uyoboye ibitero byo kuyihashya muri Kibumba.
Uyu musirikare yafashwe mpiri mu gihe Lt Gen Alain yarashwe ukuboko nkuko amakuru ari kuvugwa ku mbuga nkoranyambaga abitangaza.
Ku munsi wejo tariki ya 20 Ugushyingo 2022,nibwo imirwano yari yongeye kubura hagati ya M23 na FARDC mu gace ka Kibumba.
M23 ikomeje gufata uduce dutandukanye,biravugwa ko ubu igeze ku birometero 8 gusa uvuye mu mujyi ukomeye wa Goma.
Kuri uyu wa mbere imirwano hagati y'ingabo za leta na M23 yakomeje mu duce twa groupement ya Binza mu burengerazuba bwa territoire ya Rutshuru, nk'uko amakuru yabyemeje.
Imirwano ya M23 n'ingabo za leta imaze gutuma abarenga 300,000 bava mu byabo kuva mu kwezi kwa Kamena (6), nk'uko ishami ry'ubutabazi rya ONU ribivuga.
Imibereho y'abahunze bari mu nkambi z'impunzi ahatandukanye muri Kivu ya Ruguru yifashe nabi cyane, nk'uko imiryango itandukanye y'ubutabazi ibivuga.
M23 ivuga ko yiteguye kuva mu duce yafashe igihe cyose leta ya RDC yakwemera ko bagirana ibiganiro gusa iyi leta yo ntibikozwa kuko yita uyu mutwe uw'iterabwoba.
