Header Ads Widget

Technology

Zuma wahoze ari perezida muri Afurika y'Epfo ashobora kugaruka muri politiki #rwanda #RwOT

Zuma, w'imyaka 80, yashinjwe gushyira imbere inyungu z'inshuti ze zamunzwe na ruswa, aho gushyira imbere inyungu z'igihugu cye.

Ni ubwoko bwa ruswa buzwi nko kwigarurira leta, cyangwa "state capture".

Zuma ahakana avuga ko nta kibi yakoze.

Ku wa mbere, yavuze ko yegerewe n'abo mu ishyaka ANC riri ku butegetsi kugira ngo afate umwanya w'umukuru waryo ku rwego rw'igihugu, mbere yuko haba inama nkuru yaryo yo mu kwezi kwa cumi na kabiri uyu mwaka.

Mu itangazo ryashyizwe kuri Twitter n'umukobwa we Dudu Zuma-Sambudla, uyu wahoze ari Perezida yagize ati:

"Ntabwo nzanga ubusabe nk'ubwo nibabona ari ngombwa ko nongera gukorera umuryango [ishyaka] kuri urwo rwego cyangwa ku rundi [rwego] urwo ari rwo rwose".

Yavuze ko ishyaka ANC riri mu ngorane zikomeye zo mu rwego rw'imikorere, ndetse ashyigikira Minisitiri ushinzwe amakoperative, Nkosazana Dlamini Zuma, nk'uwayobora iri shyaka.



Source : https://umuryango.rw/amakuru/mu-mahanga/politiki/article/zuma-wahoze-ari-perezida-muri-afurika-y-epfo-ashobora-kugaruka-muri-politiki

Post a Comment

0 Comments

Nature