Gabriel Jesus wari umaze imyaka 5 muri Manchester City yahinduye icyerekezo, asanga umutoza Mike Arteta wamutoje muri muri Manchester City.
Kuva wa gatanu w'icyumweru gishize nibwo Arsenal na Manchester City zumvikanye kuri uyu mukinnyi, aho Manchester City yari yasabye kwishyura miliyoni 45 kugira ngo ibahe Gabriel Jesus utari ucyizeye umwanya ubanza mu kibuga.
Nk'uko tubicyesha umunyamakuru ukomoka mu Butariyani, biteganyijwe ko Gabriel Jesus agomba gusinya amasezerano azamugeza mu 2027 akazaba ariwe mukinnyi wa Arsenal uhembwa menshi.
Gabriel Jesus yagiriye ibihe byiza muri Manchester City birimo n'ibikombe bya shampiyona ndetse n'umukino wa champions leagueÂ
Kugira ngo Gabriel aze muri Arsenal kuburyo bworoshye byaturutse ku mutoza wayo Mike Arteta, wabanye n'uyu mukinnyi muri Manchester City ubwo yari umutoza wungirije. Edu ushinzwe Siporo muri Arsenal nawe ari mu bagize uruhare rukomeye, kugira ngo Gabriel Jesus ahindure icyerekezo nk'umuntu bavuka hamwe.
Mu myaka 5 Gabriel Jesus yari amaze muri Manchester City, yayikiniye imikino 159 atsindamo ibitego 58 anatanga imipira 32 ivamo ibitego.
Nyuma y'aho Manchester City isinyishirije Erling Haaland, byagaragaraga ko Gabriel Jesus atazongera gupfa kubona umwanya wo gukina kandi ashaka kuzitabira igikombe cy'Isi. Arsenal nayo yari yagaragaje ko ishaka rutahizamu nyuma yo kurekura Pierre-Emerick Aubameyang wagiye muri Barcelona, ndetse na Alexandre Lacazette wasubiye iwabo mu Bufaransa mu ikipe ya Lyon.
Gabriel asanzwe ari umukinnyi w'ikipe y'igihugu ya BrazilÂ
Gabriel Jesus yageze muri Manchester City afite imyaka 20
