Rutahizamu w'ikipe y'igihugu y'u Rwanda ukina muri Botswana mu ikipe ya Township Rollers, Iradukunda Jean Bertrand yamaze kubagwa imvune yo mu ivi yagize mu kwezi gushize.
Tariki ya 27 Ugushyingo nibwo ISIMBI yabagejejeho inkuru y'uko uyu rutahizamu yagize imvune ndetse agomba kubagwa.
Uyu musore akaba yamaze kubagwa iyi mvune yo mu Ivi ry'iburyo yagize mu kwezi gushize k'Ugushyingo, akaba agomba kumara igihe kinini adakina.
Mu Kwakira 2021 nibwo uyu rutahizamu ukina usatira anyuze ku ruhande yerekeje muri iki gihugu aho yasinyiye iyi kipe amasezerano y'imyaka 2.
Iradukunda Jean Bertrand yari yagize intangiriro nziza muri iyi kipe yahise agira imvune yo mu ivi ry'iburyo.
Uyu mukinnyi aheruka gukina umukino ikipe ya Township Rollers yatsinzemo BDF XI 2-0 tariki ya 10 Ugushyingo 2021, akaba yarinjiye mu kibuga asimbura.
Source : http://isimbi.rw/siporo/article/rutahizamu-w-amavubi-yamaze-kubagwa
