Mushimiyimana Eric, umutoza w'ikipe ya United Stars-Ruhango yahagaritswe ku mirimo ye kubera ubutinganyi.
Mu ibaruwa yasinyweho na perezida w'iyi kipe, Ngendahayo Vedaste, yamenyesheje umutoza ko yahagaritswe kubera iperereza arimo gukorwaho ku butinganyi buvugwa muri iyi kipe.
Ati "Bwana Mushimiyimana Eric, mu izina rya Komite Nyobozi ya United Stars-Ruhango, nyuma yo kungurana ibitekerezo ku kibazo ucyekwaho kidahesha icyubahiro ikipe na we ubwawe kandi kikaba gikomeje guteza umwuka utari mwiza mu bakinnyi, twgaira ngo tukumenyeshe ko ubaye uhagaritswe by'agateganyo."
"Nyuma yo kugezwaho impungenge z'abakinnyi bamwe na bamwe, tumaze kubiganiraho nka Komite Nyobozi twagira ngo tukumenyeshe ko ubaye uhagaritswe ku kazi nk'umutoza mukuru wa United Stars-Ruhango mu gihe hagikorwa iperereza ku kibazo cy'ubutinganyi bwibasiye ikipe ukekwaho nk'uko bikomeje kugaragazwa n'abakinnyi ubereye umutoza. Ibi usabwe kubyubahiriza ukimara kubona iyi baruwa."
Uyu mutoza watozaga iyi kipe yo mu cyiciro cya kabiri, ahagaritswe nyuma yo kuyitoza imikino 2, uwo banganyijemo na Esperence 2-2, n'uwo baraye batsinzwemo na UR Huye 2-1.
Source : http://isimbi.rw/siporo/article/umutoza-mu-rwanda-yahagaritswe-ku-kazi-kubera-ubutinganyi
