Cassa Mbungo akomeje kwandika amateka muri Ke... - #rwanda #RwOT

webrwanda
0

Kuri uyu wa Mbere tariki ya 13 Nzeri 2021, nibwo Cassa Mbungo yashyikirijwe iki gihembo giherekejwe n'ibihumbi 50 Ksh (asaga ibihumbi 450 Frw), nyuma yo guhigika abandi agatorwa nk'umutoza w'Indashyikirwa muri Kanama muri shampiyona ya Kenya.

Muri Kanama, Bandari FC yatsinze Tusker FC yatwaye igikombe ibitego 2-1, ikurikizaho Kakamega Homeboyz na yo iyitsinda ibitego 2-1 mbere yo kunyagira Mathare United 3-0, yanganyije kandi na Sofapaka ibitego 2-2 mbere y'uko isoreza kuri Wazito FC yatsinze ibitego 2-0 ku wa 22 Kanama ubwo hasozwaga Shampiyona ya Kenya.

Ni ku nshuro ya Kabiri Cassa Mbungo yegukanye igihembo cy'umutoza mwiza w'ukwezi muri shampiyona ya Kenya, kuko yaherukaga kucyegukana muri Werurwe 2021, nyuma yo kumara ibyumweru bitatu byikurikiranya ahiga abandi.

Cassa Mbungo uri mu batoza batandatu bahataniye igihembo cy'umwaka w'imikino wa 2020/21 muri Shampiyona ya Kenya, yafashije Bandari FC gusoreza ku mwanya wa gatatu.

Rutahizamu wa Bandari FC, Johana Mwita, yatowe nk'umukinnyi mwiza w'ukwezi kwa Kanama nyuma yo gutsinda ibitego bine akanatanga umupira umwe wavuyemo igitego mu mikino itanu yakinnye.

Cassa Mbungo yageze muri Bandari mu ntangiriro za Mutarama, nyuma yo gutandukana na Gasogi United yari abereye umutoza, uyu mwaka w'imikino yafashije ikipe ye gusoza ku mwanya wa Gatatu muri shampiyona ya Kenya.

Cassa Mbungo yegukanye igihembo cy'umutoza mwiza wa Kanama muri shampiyona ya Kenya



Source : https://inyarwanda.com/inkuru/109505/cassa-mbungo-akomeje-kwandika-amateka-muri-kenya-yongeye-gutorwa-nkumutoza-mwiza-wukwezi-109505.html

Tags

Post a Comment

0Comments

Post a Comment (0)