Imibare ya Minisiteri y'Ubuzima, igaragaza ko kuri uyu wa Mbere tariki 19 Nyakanga 2021, COVID-19 yahitanye abantu 17 bahise batuma abamaze guhitanwa n'iki cyorezo bose baba 666.
Aba bahitanywe na COVID-19, barimo abagore 11 barimo uw'imyaka 85 w'i Rusizi), uw'imyaka 83 w'i Gicumbi, uw'imyaka 83 w'i Nyanza, uwa 82 w'i Musanze, ab'imyaka 79 na 67 b'i Bugesera, ab'imyaka 75, 69, 56, 48 b'i Kigali n'undi w'imyaka 73 w'i Huye.
Cyahitanye kandi abagabo batandatu b'imyaka 83, 73, 64, 30 bo mu Mujyi wa Kigali, uw'imyaka 66 w'i Karongi n'uw'imyaka 52 w'i Rusizi.
Iki cyorezo kandi cyasanzwe mu bantu bashya 913 barimo 152 bo mu Karere ka Musanze n' 140 bo mu Mujyi wa Kigali ndetse na 91 bo mu Karere ka Kayonza.
Kugeza ubu abamaze gusangwamo ubwandu bw'iki cyorezo ni 58 235 mu bipimo 1 895 926 bimaze gufatwa.
Abakikirwaye bose hamwe ni 16 523 mu gihe abamaze kugikira ari 41 046 barimo 1 005 bakize kuri uyu wa Mbere. Naho abarembye cyane ni 89.
UKWEZI.RW
