COVID-19 : Ku Cyumweru habonetse abanduye bashya 2.773, hapfa 11 #rwanda #RwOT

Aba banduye bashya 2 773, babonetse mu bipimo 73 608 byafashwe mu gihugu hose ubwo mu mpera z'iki cyumweru hakorwaga igikorwa cyo gupima mu buryo bwa rusange cyakozwe mu Tugari dutandukanye.

Bariya bantu 2 773 basanzwemo ubwandu bwa COVID-19, barimo 2 225 bo mu Mujyi wa Kigali, 47 bo mu Karere ka Musanze, 44 bo muri Burera ndetse na 42 bo mu Karere ka Kamonyi.

Uturere dutatu ni two tutagaragayemo umuntu n'umwe ufite ubwandu bw'iki cyorezo kuri iki Cyumweru, ari two, Gisagara, Nyaruguru na Bugesera.

Imibare ya Minisiteri y'Ubuzima kandi igaragaza ko abakize iki cyorezo kuri iki Cyumweru ari 1 855 mu gihe abo cyahitanye ari 11.

Aba bahitanywe na COVID-19, barimo abagore batanu barimo uw'imyaka 75 w'i Rulindo, ab'imyaka 71 n'uwa 66 b'i Kigali, uw'imyaka 69 w'i Rubavu n'uw'imyaka 69 w'i Rusizi ndetse n'abagabo batandatu barimo uw'imyaka 71 w'i Rulindo, ab'imyaka 69, 60, 57 bo mu Mujyi wa Kigali, uw'imyaka 62 w'i Huye ndetse n'uw'imyaka 50 w'i Karongi.

UKWEZI.RW



Source : http://www.ukwezi.rw/mu-rwanda/Ubuzima/article/COVID-19-Ku-Cyumweru-habonetse-abanduye-bashya-2-773-hapfa-11

Post a Comment

1 Comments

  1. LOCKDOWNS DO NOT WORK, WE HAVE TO LEARN TO LIVE WITH IT.

    ReplyDelete