Rayon Sports yasinyishije rutahizamu w'Umukongomani wakinaga muri Zambia #rwanda #RwOT

webrwanda
0

Rayon Sports yerekanye uyu rutahizamu kuri uyu wa Gatandatu tariki 1 Gicurasi 2021 kuyikinira muri iyi shampiyona.

Uyu rutahizamu aje gusimbura Junior Bayanho -Aubyang ukomoka muri Gabon wari witezwe muri iyi kipe ariko iwabo ntibamwoherereza ibyangombwa hakiri kare.

Mambote ni rutahizamu wakinnye mu makipe nka AS Nyuki yo muri Congo , Napsa Stars na City of Lusaka yagezemo muri 2019.

Yavutse tariki 20 Gicurasi 2000.Areshya na m 1.85. Aje akurikira Muhire Kevin na Hertier Luvumbu baheruka kongerwa mu ikipe ya Rayon Sports ngo bayifashe muri shampiyona y'uyu mwaka yatangiye kuri uyu wa Gatandatu tariki 1 Gicurasi 2021.

Rayon Sports iri mu itsinda B rya Shampiyona, izatangirira kuri Gasogi United tariki ya 2 Gicurasi 2021.iminsi itatu mbere yo guhura na Kiyovu Sports mu gihe izasoreza kuri Rutsiro FC tariki ya 8 Gicurasi 2021.

Mu kwitegura iyi mikino, imaze gukina umukino umwe wa gicuti, aho yatsinze Bugesera FC ibitego 2-0 ku wa 21 Mata 2021 mu gihe undi yakinnye na Police FC tariki ya 26 Mata 2021 utabashije kurangira.





Source : http://umuryango.rw/imyidagaduro/imikino/article/rayon-sports-yasinyishije-rutahizamu-w-umukongomani-wakinaga-muri-zambia

Post a Comment

0Comments

Post a Comment (0)