Aba batawe muri yombi ni Kagaba Jean Baptiste usanzwe ari Umunyamabanga Nshingwabikorwa w'Umurenge wa Cyeru na Zirimwabagabo Dieudonné akaba ari umukozi ushinzwe uburezi muri uwo Murenge wa Cyeru.
Urwego rw'Igihugu rw'Ubugenzacaya (RIB) rutangaza ko uyu Munyamabanga Nshingwabikorwa w'umurenge wa Cyeru n'umukozi ushinzwe Uburezi muri uriya Murenge bakekwaho icyaha cya ruswa no gukoresha ububasha mu nyungu zabo bwite.
RIB ivuga ko aba bombi bagiye batanga amasoko yo kugemura ibikoresho byo kubaka ibyumba by'amashuri byo muri uyu Murenge mu buryo budakurikije amategeko.
Aba bombi bafungiye kuri Sitasiyo ya RIB ya Rusarabuye mu gihe uru rwego rw'Igihugu rw'Ubugenzacyaha rukomeje gukora kugira dosiye yabo ishyikirizwe Ubushinjacyaha.
UKWEZI.RW
