Minisiteri y'Ubuzima yatangaje ko kuri uyu wa Kabiri abantu babiri bahitanywe na Covid-19, mu gihe abayikize ari 178.
Abapfuye ni umugore w'imyaka 89 wo mu karere ka Nyamagabe n'umugabo w'imyaka 93 wo mu karere ka Ngororero. Byatumye umubare w'abamaze guhitanwa n'icyo cyorezo mu Rwanda uba 340.
Abanduye kuri uyu waKabiri ni 59, bituma umubare w'abamaze kwandura uba 25773. Abakize ni 178, bikaba byatumye umubare w'abamaze gukira bose uba 24 333.
Abakirwaye ni 1100, nta n'umwe urembye naho abamaze gukingirwa ni 350 400.
