Miss Naomie n'abo bavukana bavuze byinshi ku buzima bwabo| Uwerekanye umukunzi mbere y'abandi| Usetsa cyane n'ibindi – YEGOB #rwanda #RwOT

Abakobwa bane bavukana na Miss Nishimwe Naomie (Miss Rwanda 2020) bavuze byinshi bijyanye n'ubuzima bwabo ndetse banavuga ku bijyanye n'ubucuruzi basigaye bakora muri iyi minsi. Ni mu kiganiro kirambuye aba bakobwa bagiranye na Isimbi Tv aho batangiye bivuga amazina yabo kugirango bibutse ababakurikirana uko bitwa, bakomeje bavuga amasanl bafitanye aho Naomie yavuze ko Kathia ndetse na Brenda ari bakuru be hanyuma Kelly akaba ari Tante wabo. Nubwo Naomie yavuze ko Kelly ari tante wabo ariko yavuze ko abantu benshi ababwira ko bose bavukana bitewe nuko bamubazaga kenshi isano bafitanye.

Aba bakobwa uko ari bane bavuze ko bose bahurije hamwe igitekerezo cyo gushinga iduka ricuruza imyenda rizwi ku izina rya Zöi ndetse kuri ubu rikaba rimaze gukomera. Nkuko bisanzwe bigenda ku mirimo y'ahandi, aba bakobwa nabo bagabagabanye ubuyobozi muri Zöi aho Naomie ashinzwe Marketing, Kathia akaba ari CFO (Chief Finance Officer), Kelly ni CEO (Chief Executive Officer) naho Brendah ashinzwe ibijyanye na design.

Aba bakobwa uko ari bane basanzwe bazwi ku izina rya Mackenzies akaba ari izina ryahiswemo na Kathia afatanyije n'undi muvandimwe wabo nyuma baza kurigira inyito yabo. Bamamaye cyane ubwo umuhanzi Mr Eazi yasangizaga abafana be amashusho y'imwe mu ndirimbo aba bakobwa basubiyemo. Brendah wahaye aya mashusho Mr Eazi avuga ko batunguwe nuko yayakunze ndetse akanayasangiza abafana be. Yagize ati " Mwoherereza video numvaga bisanzwe sinarinziko yanayireba gusa natunguwe nuko yayirebye akayikunda ndetse akanayi-sharinga ". Aba bakobwa bavuga ko bishimye cyane ubwo babonaga amashusho yabo ari ku rukuta rwa konti ya instagram ya Mr Eazi. Bagize bati " Twarishimye cyane cyane bimwe birenze ".

Muri iki kiganiro kandi aba bakobwa bavuze uwaberetse umukunzi we (boyfriend) bwa mbere aho bavuze ko ari Kathia wamuberetse bwa mbere. Aba bakobwa bavuze ko nubwo Kelly ari Tante wabo bamufata nk'umuvandimwe wabo dore ko bakuranye.

Ku bijyanye n'uzinduka mbere y'abandi, aba bakobwa bavuze ko Brendah ariwe uzinduka mbere y'abandi bose nubwo bavuze ko n'abasigaye bataryamira gusa Brendah niwe ubatanga kuzinduka. Aba bakobwa bavuze ko akenshi Miss Naomie ariwe ukunze kubasetsa nubwo buri umwe muri aba nawe asetsa mu buryo bwe.

Leave your vote

Comments

0 comments



Source : https://yegob.rw/miss-naomie-nabo-bavukana-bavuze-byinshi-ku-buzima-bwabo-uwerekanye-umukunzi-mbere-yabandi-usetsa-cyane-nibindi/

Post a comment

0 Comments