Kuri uyu wa gatatu tariki ya 17 Werurwe 2021,Perezida wa Tanzania John Pombe Magufuli byari bimaze iminsi bivugwa ko arwaye, yatabarutse ku myaka 61
Ni inkuru y'akababaro yatangajwe kuri Tereviziyo y'Igihugu, TBC na Visi Perezida w'Iki Gihugu, Samia Suluhu.
Visi Perezida, Samia Suluhu yatangaje ko Nyakwigendera Perezida Magufuri yaguye mu bitaro byo mu mujyi wa Dar es Salaam aho yavurirwaga, akaba yishwe n'indwara y'Umutima.
Samia Suluhu, yavuze ko iyi ndwara ihitanye Perezida Magufuri yari ayimaranye imyaka isaga 10, ko kandi mu minsi ibiri ishize aribwo ubu burwayi bwe bwarushijeho gukomera, abaganga batangira kumwitaho bidasanzwe.
Magufuri, yajyanywe kwa muganga kuwa 6 Werurwe 2021, mu bitaro bivura indwara z'umutima byitwa Jakaya Kikwete Cardiac Institute. Yavuye mu bitaro kuwa 7 Werurwe 2021 akomeza imirimo bisanzwe, kuwa 14 Werurwe 2021 yumvise atameze neza asubira mu bitaro kwitabwaho ari naho yaguye.
Hahise hatangazwa iminsi 14 y'icyunamo mu gihugu, amabendera yose agomba kururutswa kugeza mu cya kabiri.
BREAKING: Tanzanian President John Pombe Magufuli is dead. Vice president Samia Suluhu says Magufuli succumbed to heart disease in Dar Es Salaam #RIPMagufuli pic.twitter.com/h9fl8ZpHYQ
â€" The African Voice (@teddyeugene) March 17, 2021
Perezida John Magufuli yatabarutse
Source : https://impanuro.rw/2021/03/17/tanzania-perezida-john-magufuli-yatabarutse/
