Amavubi yageze i Douala, Amafoto #rwanda #RwOT

Ikipe y'igihugu Amavubi, yamaze gusesekara mu mujyi wa Douala mu gihugu cya Cameroun, aho igiye gukina umukino wo kwishyura n'ikipe y'igihugu ya Cameroun yo isanzwe ifite itike yo kuzakina irushanwa ry'igikombe cya Afurika kuko iki gihugu ari cyo kizakira iri rushanwa. Ni umukino uzaba ku wa Kabiri tariki 30 Werurwe 2021.

Mashami Vincent umutoza mukuru w'Amavubi Stars yahamagaye abakinnyi 23 batarimo; Manzi Thierry, Emery Bayisenge, Iyabivuze Osée, Rwabugiri Omar Ndayisenga na Ruboneka Bosco.

U Rwanda rurasabwa gutsinda Cameroon kugira ngo rutegereze amahirwe y'ibizaba mu mukino uzahuza Mozambique na Cape Verde.

Cameroun yamaze kwizera gukina iri rushanwa izakira, iyoboye itsinda F n'amanota 10 mbere y'uko yakirwa na Cap-Vert kuri uyu wa Gatanu i Praia.

U Rwanda ni urwa kabiri n'amanota atanu, rurusha inota rimwe Mozambique na Cap-Vert, byombi bizahura hagati yabyo ku munsi wa nyuma w'amatsinda ku wa Kabiri.



Source : https://impanuro.rw/2021/03/26/amavubi-yageze-i-douala-amafoto/

Post a comment

0 Comments