Perezida Kagame yageneye buri mukinnyi w'Amavubi hafi miliyoni 5 #rwanda #RwOT

webrwanda
0

Abakinnyi b'ikipe y'igihugu yakinnye imikino ya CHAN 2020, bahawe ishimwe na Nyakubahwa Perezida wa Repubilika y'u Rwanda ringana na miliyoni 4.5 z'amafaranga y'u Rwanda, akaba yiyongera kuri miliyoni 4.9 z'agahimbazamusyi bari bahawe yose hamwe akaba miliyoni 9 n'ibihumbi 400.

Ikipe y'igihugu yitabiriye shampiyona y'Afurika y'abakinnyi bakina imbere mu bihugu byabo 'CHAN 2020' yagarukiye muri ¼ aho yakuwemo na Guinea iyatsinze 1-0 mu mukino wabaye tariki ya 31 Mutarama 2021.

Ubwo Amavubi yari ageze mu Rwanda, tariki ya 7 Gashyantare 2021 Perezida Kagame yakiriye iyi kipe ayishimira uko bitwaye.

Yababwiye ko nka Leta hari ishimwe yabageneye bitewe n'uko bitwaye ariko rikaba riza ryiyongera kuyo bari bemerewe nyuma yo kugera muri ¼.

Yagize ati' Twari twavuganye na Minisitiri wa Siporo, tuvugana na Leta, turavuga ngo reka abakinnyi b'ikipe yacu, abatoza n'abandi babafasha mu bintu bitandukanye by'ingenzi bya ngombwa na byo, hari ibyo numvise FIFA igenera amakipe bidasobanutse cyane, ariko ubu biragenda bijya mu buryo, nari nasabye ko natwe nka Leta, twashaka icyo tubagenera kirenze kuri icyo.

'Ibyo Minisitiri arabibagezaho, no mu mikoro make yacu nk'Igihugu, ntabwo tubura bike dushobora gushimira abantu tukagira icyo tubaha, tugakomeza tugatera imbere.'

Ntabwo bigeze batangaza iri shimwe Perezida Kagame yaganeye aba bakinnyi, mu kiganiro n'itangazamakuru, Umuyobozi wa ushinzwe tekinike muri MINISPORTS, Rurangayire Guy yavuze ko atatangaza amafaranga bahaye aba bakinnyi kuko ishimwe ari iry'abo ari nabo bafite uburenganzira bwo kuyavuga.

Amakuru ISIMBI yamenye ni uko aba bakinnyi b'Amavubi babwiwe ko Perezida Kagame Paul yabemereye miliyoni 4.5 z'amafaranga y'u Rwanda, aya mafaranga akaba yari yongereye ku gahimbazamusyi k'ibihumbi 5 by'Amadorali(miliyoni 4.9 by'amafaranga y'u Rwanda) bahawe muri nyuma yo kugera muri ¼, bivuze ko CHAN yahaye aba bakinnyi miliyoni 9.4 z'amafaranga y'u Rwanda.

Buri mukinnyi w'Amavubi yagenewe miliyoni 4.5 z'amafaranga y'u Rwanda
Perezida Kagame yabwiye abakinnyi ko hari ishimwe ry'abagenewe



Source : http://isimbi.rw/siporo/article/perezida-kagame-yageneye-buri-mukinnyi-w-amavubi-hafi-miliyoni-5

Post a Comment

0Comments

Post a Comment (0)