Shampiyona z'umupira w'amaguru muri Libya zongeye gutangira nyuma y'imyaka ibiri zidakinwa kubera ibibazo by'umutekano
Ku mugoroba wo kuri uyu wa mbere tariki ya 25 Mutarama 2021, ku bibuga bitandukanye muri Libya, bongeye kubona uburyohe bwa ruhago nyuma y'imyaka ibiri batabona shampiyona ku butaka bw'iki gihugu.
Ni nyuma y'ibiganiro bitari bike, nyuma y'ingamba byose ari muri gahunda yo kugarura amahoro ku butaka bwa Libya cyaneko byanakoze ku makipe y'iki gihugu kuko nayo yakirira imikino mpuzamahanga hanze y'igihugu cyabo,kugaruka kwa shampiyona bishobora kuzafasha mu kwereka Impuzamashyirahamwe y'umupira w'amaguru ku mugabane wa Afrika CAF ko amahoro muri Libya ahari ndetse n'imikino ishoboka.
Mu mikino yabaye ku munsi w'ejo Al Sadaqa yatsinzwe na Al-Akhdar 0-2, Taawon itsindwa na Khaleej Sirte ibitego 2-0,Shatt 1-2 Ittihad Misrata, mu gihe Olympic yanganyije na Rafeek ubusa ku busa
Shampiyona ya Libya yaherukaga gukinwa ikarangira mu mwaka w'imikino wa 2017-18, kuva ubwo shampiyona yahise ihagarara, ari nabwo amakipe yabo yatangiye kubaho akina imikino ya gicuti nabwo hanze y'igihugu cyane cyane kuyahagariraga Libya mu mikino mpuzamahanga
Source : https://impanuro.rw/2021/01/26/libya-shampiyona-yumupira-wamaguru-yagarutse/
