Muri Leta ya California, imwe muzigize Leta 50 za Leta Zunze Ubumwe z' Amerika haherutse gutangazwa ko habonetse Ingagi zanduye icyorezo cya COVID-19 noneho zagihonotse.
Ku itariki 11/Mutarama/2021 muri Pariki ya San Diego Zoo Safari hagaragaye ingagi 2 zanduye Covid-19 ndetse n' izindi 3 zagaragazaga ibimenyetso bya Covid-19, zarapimwe nazo bazisangamo icyo cyorezo. Nubwo zatangiye ari 2 zagiye ziyongera uko iminsi yagendaga yisunika.
Kuri uyu wa mbere, umuyobozi mukuru wa San Diego Zoo Safari yatangaje ko nyuma y' ubufasha bwahawe izo ngagi zakize icyo cyorezo bitewe nuko ubu zatangiye kurya no kunywa ndetse zikaba zirimo kwitwara nk' uko zari zimeze mbere yo kwandura.
Yavuze ko izo ngagi zikimara kwandura zatangiye kugira ibimenyetso byo gukorora, gushoreza no gucika intege. Yakomeje avuga ko bamaze kubona ibyo bimenyetso bahise bazipima Covid-19 maze basanga zaranduye.
Peterson yavuze ko nta bya bimenyetso mbere bazisanganye bivuze ko zakize uretse Ingagi 1 iri kwitabwaho by' umwihariko izindi 8 zarakize neza.
Iyo ngagi yitwa Winston y' imyaka 49 basanze irwaye umusonga, Covid-19 n' umutima. Ariko yahawe imiti y' umusonga,Umutima n' irwanya gukomeza kuzonga umubiri kwa Covid-19.
Ni ubwa mbere habonetse virus ifata abantu n' Ingagi. Nubwo abantu bahuje uturemangingo n' Ingagi kuri 98%.
Peterson yavuze ko mu rwego rwo kurinda izi nyamaswa ko nazo bazazikingira icyorezo cya Covid-19 kuko abafite aho bahurira n' izi nyamaswa;nk'abaganga n' abakozi bazitaho barangije gukingirwa COVID-19.
Ingagi zo muri Pariki ya San Diego Zoo Safari zakize icyorezo cya coronavirus
Source : https://impanuro.rw/2021/01/29/ingagi-2-ziheruka-kwandura-coronavirus-zakize/
