Umucuruzi Ndicunguye Fred wamamaye nka Fred Lyon uyu akaba yaramamaye mu bijyanye no kwambika ibyamamare bitandukanye mu Rwanda, yambitse impeta y'urukundo umukobwa w'umwarabukazi witwa Rawiya nyuma yuko amwemereye ko azamubera umugore.
Umwe mu nshuti za hafi z'uyu musore yabwiye IGIHE dukesha iyi nkuru ko atazi neza igihugu akomokamo ariko avuga ko icyo azi ari uko ari umwarabukazi. Yakomeje avuga ko umukunzi wa Fred Lyon bamaranye igihe, ndetse akunze kumusura mu Rwanda na we akajya kumureba iwabo.
Fred Lyon amaze imyaka ine akora akazi ko gucuruza imyambaro itandukanye, inkweto n'ibindi. Akundwa na benshi kuko agira imyambaro igezweho. Afite iduka ryitwa Lyon Store.
