Uwari umutoza w'ikipe y'igihugu ya Basketball, Vladimir Bosnjak umunya-Serbia yeguye ku mirimo ye, Ni nyuma yo gusoza amajonjora yo gushaka itike ya Afrobasket2021 nta mukino n'umwe atsinze.
Uyu mugabo yari amaze imyaka ibiri ari umutoza w'ikipe y'igihugu ya Basketball. Ku gicamunsi cy'uyu wa Kane ni bwo federasiyo y'umukino wa Basketball yashyize hanze itangazo rivuga ko uyu mugabo yeguye.
Iri tangazo rivuga ko uyu munsi ari bwo bakiriye ubwegure bwa Vladimir, nabo bakurikije umusaruro amaze iminsi atanga bakaba babwemeye.
U Rwanda rwanenzwe uburyo rwitwaye mu majonjora yo mu itsinda D mu gushaka itike ya Afrobasket 2021 izabera mu Rwanda umwaka utaha.
Iyi mikino y'amajonjora n'ubundi yabereye mu Rwanda muri Kigali Arena mu kwezi gushize, u Rwanda rwari kumwe na Mali, Nigeria na Sudani y'Epfo mu itsinda D, aba basore bari bayobowe na Vladmir bakaba barayisoje nta mukino n'umwe batsinze.
Vladimir Bosnjak yatangiye gutoza u Rwanda muri Kamena 2018 kugeza ubu tariki ya 3 Ukuboza 2020 yemereye kumanika akavuga ko akazi bamusabye atakegezeho bityo akwiye gutanga umwanya.
Source : http://isimbi.rw/siporo/article/umutoza-w-ikipe-y-igihugu-ya-basketball-yeguye
