Perezida w'Ubufaransa Emmanuel Macron bamusanzemo Covid-19, nkuko bitangazwa n'ibiro bye Champs-Élysées dukesha iyi nkuru.
Bwana Macron, w'imyaka 42, yipimishije nyuma yuko agaragaje ibimenyetso, ubu akaba agiye kwishyira mu kato mu gihe cy'iminsi irindwi, nkuko itangazo ry'ibiro bye ribivuga.
Iryo tangazo ryongeraho ko Bwana Macron 'akiyoboye' igihugu kandi azakomeza gukora mu buryo bw'iyakure.
Itangazo ry'ibiro bya Champs-Élysées ryo mu gitondo cyo kuri uyu wa kane rikomeza rigira riti: 'Perezida wa Repubulika bamusanzemo Covid-19 uyu munsi'.
'Ibi ni ibipimo byafashwe… nyuma yuko hatangiye kugaragara ibimenyetso bya mbere'.
Ntabwo biramenyekana uko Bwana Macron yanduye iyi virusi, ariko ibiro bye byavuze ko birimo gushakisha abo bahuye mu buryo bwegeranye kugira ngo bibibamenyeshe.
Muri iki cyumweru, Ubufaransa bwashyizeho ingamba z'umukwabu uhera nijoro, mu rwego rwo gufasha guhangana n'ubwandu bukomeje kwiyongera.
Mu Bufaransa hamaze gutangazwa abantu barenga miliyoni 2,4 banduye coronavirus, muri bo abarenga 59,000 yarabishe, nkuko imibare ya Kaminuza ya Johns Hopkins yo muri Amerika ibigaragaza.
Source : https://impanuro.rw/2020/12/17/france-perezida-macron-bamusanzemo-covid-19/
