Nk'uko ibitangazamakuru bya leta bibivuga mu majyaruguru ya Mozambipue abantu barenga 50 bishwe baciwe imitwe n'abarwanyi bagendera ku mahame akaze y'idini ya Isilamu.
Amakuru avuga ko abo barwanyi bahinduye icyari ikibuga cy'umupira w'amaguru cyo muri icyo cyaro kikaba 'ahantu ho kwicira', aho zaciye imitwe abo bantu zikanacagagura imirambo yabo.
Nk'uko ibitangazamakuru bya leta bikomeza bibivuga bivuga ko uku kwica abantu baciwe imitwe ni bwo bwicanyi bwa vuha aha bubayeho mu ruhererekane rw'ibitero bya kinyamaswa izo nyeshyamba zikomeje kugaba mu ntara ya Cabo Delgado ikungahaye ku bitoro, kuva mu mwaka wa 2017.
Nk' uko BBC dukesha iyi nkuru ivuga ko abantu bagera ku 2,000 bamaze kwicirwa muri ibyo bitero naho abagera hafi ku 430,000 bataye ingo zabo muri iyo ntara ituwe ahanini n'abayisilamu.
Abaturage bagerageje guhunga barafashwe bajyanwa ku kibuga cy'umupira w'amaguru aho bishwe baciwe imitwe, imirambo yabo icibwamo ibice guhera ku wa gatanu kugeza ku cyumweru, nkuko bitangazwa n'ikinyamakuru Pinnancle News kitabogamiye kuri leta.
Abaturage bageregeje guhunga barishwe baciwe imitwe
Ibiro ntaramakuru bya leta ya Mozambique bisubiramo amagambo y'abarokotse icyo gitero bavuga ko abagabo bitwaje imbunda bateraga hejuru bati 'Allahu Akbar' ('Imana ni yo nkuru'), bararasa, batwika n'inzu z'abaturage ubwo batera icyaro cya Nanjaba ku wa gatanu.
Leta ya Mozambique yasabye ubufasha bw'amahanga mu guhashya abo barwanyi , ivuga ko ingabo zabo zicyeneye amahugurwa yabugenewe ngo zishobore guhangana n'izo nyeshyamba.
Imiryango iharanira uburenganzira bwa muntu inavuga ko ingabo za Mozambique zagiye zisagarira abaturage, harimo kubafunga nta kigendeweho, kubakorera iyicarubozo no kubica, mu bikorwa byazo byo guhangana n'izo nyeshyamba.
Source : https://impanuro.rw/2020/11/10/mozambique-inyeshyamba-zishe-abarenga-50-zibaciye-imitwe/
