Liverpool igiye gutanga asaga miliyoni 70 z'ama Euro ku musimbura wa Salah mu gihe kirekire #rwanda #RwOT

Mohammed Salah umwe mubakinnyi b' inkingi za mwamba muri Liverpool. Dore ko amaze kuyitsindira ibitego birenga 100, ndetse yatwaranye n'iyi kipe ibikombe bitandukanye harimo Uefa champions League na Premier League.
Nkuko tubikesha ikinyamakuru kitwa 'TeamTalk', ikipe ya Liverpool binyuze ku mutoza wayo mukuru Jurgen Klopp iri gushaka umusimbura wa Salah mu gihe kirekire. Ni nyuma yuko uyu musore atangaje ko mu mpera z'uyu mwaka w'imikino yifuza gusohoka muri ikipe nubwo afite amasezerano ageza muri 2023.

Mohammed salah umwe mu bakinnyi bafatiye runini Liverpool

Ntawatinya kuvuga ko itsinzi ya Liverpool akenshi igirwamo uruhare cyane n' abakinnyi batatu bayo bakina imbere harimo Salah, Mane na Firmino.
Salah w'imyaka 28 amaze gutsindira Liverpool ibitego birenga 100, ndetse abahanga muri Ruhago bavuga ko aya ariyo mahirwe yanyuma ye yo kuva muri Liverpool.
Ikinyamakuru 'TeamTalk gikomeza kivuga ko, Klopp yatangiye gutekereza k'ubuzima bwa Liverpool idafite Salah. Kwikubitiro uwo yifuza cyane ni Rodrygo Silva de Goes uzwi nka Rodrygo, uyu musore w' imyaka 19 ukinira Real Madrid.

Liverpool izagura Rodrygo mu gihe hagati ya Salah na Mane haba hari uwasohotse muri Liverpool nkuko tubikesha icyo kinyamakuru.

Rodrygo yaje muri Real Madrid avuye muri Santos yo muri Brazile aguzwe asaga miliyoni 45 z'ama Euro. Uyu munya Brazile akaba amaze gutsindira Real Madrid ibitego 8 mu mikino 37 amaze kuyikinira, ndetse muri uyu mwaka w'imikino amaze gutanga imipira ivamo ibitego 3 nubwo akunda kubanzwa Ku ntebe y'abasimbura. Real Madrid ivuga ko itarekura uyu musore Ku mafaranga ari munsi ya Miliyoni 70 z'ama Euro.

 

SRC: TeamTalk

The post Liverpool igiye gutanga asaga miliyoni 70 z'ama Euro ku musimbura wa Salah mu gihe kirekire appeared first on Kigalinews24.



Source : https://kigalinews24.com/2020/11/10/liverpool-igiye-gutanga-asaga-miliyoni-70-zama-euro-ku-musimbura-wa-salah-mu-gihe-kirekire/

Post a comment

0 Comments