Ubuyobozi bw'ikipe y'umupira w'amaguru ya Amagaju FC bwatangaje ko Abakinnyi b'iyi kipe 11 bari mu banduye icyorezo cya Coronavirus mu mibare yaraye itangajwe na Minisiteri y'Ubuzima yiganjemwo abo mu karere ka Nyamagabe.
Ku mugoroba wo ku Itariki ya 05 ugushyingo 2020 nibwo Minisiteri y'Ubuzima yatangaje imibare yabantu banduye icyorezo cya Coronavirus, iyi Minisiteri yavuze ko mu Rwanda habonetse ubwandu bushya 18 ndetse hakanakira abantu bagera 10, mugihe umwe yitabye imana. Mu banduye harimo 12 bo mu karere ka Nyamagabe aha hakaba harimo 11 bakinira Amagaju FC, hagaragaye kandi umwe w' i Kigali, babiri b'i Gatsibo na batatu b'i Nyagatare.
Aba bakinnyi banduye mu gihe habura igihe gito ndetse kitanageze Ku cyumweru ngo habe imikino ya playoff y' icyiciro cya kabiri ikaba ariyo izemeza amakipe azazamuka mu cyiciro cya mbere. Amagaju nayo akaba ari mu makipe umunani ahatanira kujya mu cyiciro cya mbere. Iyi mikino ya playoff izatangira tariki 13 kugeza 21 ugushingo 2020.
Abakinnyi b' Amagaju FC banduye mu gihe hari hashize igihe gito bipimishije coronavirus ndetse bagahita bajya mu mwiherero batangiye Tariki 30 ukwakira 2020. Umuyobozi w' iyi kipe , Mukiza Emile yatangarije Radio Rwanda mu rubuga rw'imikino ko ayo makuru ariyo, kandi abo bakinnyi Bose bashyizwe mu kato
Bakaba bari kwitabwaho, ndetse yakomeje avuga ko ntawe urembye, kandi ntanurwaye izindi ndwara.
The post Ikipe y'Amagaju FC yagaragayemwo umubare w'Abakinnyi 11 banduye Coronavirus appeared first on Kigalinews24.
