Kuri uyu wa Kane tariki ya 1 Ukwakira 2020 ni bwo habaye tombora y'uko amakipe azaba ameze mu matsinda y'irushanwa rihuza amakipe yabaye aya mbere iwayo ku mugabane w'u Burayi 'UEFA Champions League', maze Juventus ya Cristiano Ronaldo yisanga mu itsinda rimwe na FC Barcelona ya Messi.
Ni tombora yabereye RTS studios i Geneva muri Switzerland, saa 17h za Geneva zikaba na saa 17h zo mu Biryogo i Kigali mu Rwanda.
Iyi tombora ikaba yasize Bayern Munich ifite igikombe giheruka iri mu itsinda rya mbere kumwe na Atlético Madrid, Salzburg na Lokomotiv Moscow.
Juventus ya Cristiano Ronaldo ikaba yisanze mu itsinda G, aho iri kumwe na FC Barcelona ya Lionel Messi, Dynamo Kyiv na Ferencvaros.
Manchester United yisanze mu itsinda rya nyuma rya H, ikaba iri kumwe na PSG yo mu Bufaransa, RB Leipzig yo mu Budage na Istanbul Basaksehir yo muri Turikiya.
Dore uko tombora yose yagenze
Group A: Bayern Munich, Atlético Madrid, Salzburg, Lokomotiv Moscow
Group B: Real Madrid, Shakhtar Donetsk, Inter, Monchengladbach
Group C: Porto, Manchester City, Olympiakos, Marseille
Group D: Liverpool, Ajax, Atalanta, Midtjylland
Group E: Sevilla, Chelsea, Krasnodar, Rennes
Group F: Zenit, Dortmund, Lazio, Club Brugge
Group G: Juventus, Barcelona, Dynamo Kyiv, Ferencvaros
Group H: PSG, Manchester United, RB Leipzig, Istanbul Basaksehir
Biteganyijwe ko imikino ya mbere izakinwa tariki ya 20 Ukwakira 2020, ni mu gihe umukino wa nyuma uzaba tariki ya 29 Gicurasi 2021, ukazabera kuri Atatürk Olympic Stadium mu mujyi wa Istanbul muri Turikiya.
Ibihembo by'abakinnyi bitwaye neza ku mugabane w'u Burayi umwaka w'imikino 2019-2020, byose byatashye mu ikipe ya Bayern Munich aho umunyezamu mwiza yabaye Manuel Neuer, umukinnyi mwiza w'umwaka aba Robert Lewandowski, ni mu gihe umutoza yabaye Hansi Flick bose akaba ari aba Bayern Munich.
