Rutahizamu ukomoka mu gihugu cya Senegal akaba akinira ikipe ya Liverpool, Sadio Mané, baraye bamusanzemo coronavirus, none ubu yishyize mu kato. Yaherukaga gutsinda igitego cya mbere muri 3 â€" 1 Liverpool yatsinze Arsenal ku wa mbere.
Bayimusanzemo hashize iminsi itatu Liverpool itangaje ko umukinnyi wayo wo hagati, Thiago Alcantara, bamusanzemo Covid-19.
Liverpool ivuga ko uyu mukinnyi wayo ukomoka muri Sénégal 'yagaragaje ibimenyetso byoroheje bya virusi ariko muri rusange yumva ubuzima bumeze neza'.
Mané w'imyaka 28, yatsinze igitego mu mukino wa shampiyona Liverpool yatsinzemo Arsenal ibitego 3 â€" 1 ku wa mbere, ariko ntabwo yakinnye uwa Carabao Cup iyi kipe yatsinzwe na Arsenal kuri penaliti ku wa kane.
Itangazo ryo ku rubuga rwa internet rwa Liverpool ryongeyeho riti:
'Cyo kimwe no kuri Thiago Alcantara, Liverpool irimo gukurikiza â€" kandi izakomeza gukurikiza â€" amabwiriza yose ajyanye na Covid-19 ndetse Mané azishyira mu kato mu gihe cyagenwe'.
Mané, umaze gutsindira Liverpool ibitego bitatu muri uyu mwaka w'imikino, ubu ntazakina umukino wa Premier League wo kuri iki cyumweru uzahuza Liverpool na Aston Villa, mbere yuko haba akaruhuko k'imikino mpuzamahanga.
Umukino wa mbere wa Liverpool wa nyuma y'icyo gihe, uzaba ari 'derby' ku kibuga cya Everton ku itariki ya 17 y'uku kwezi kwa 10.
Ku wa mbere, ubuyobozi bwa Premier League bwatangaje ko abantu 10 babasanzemo coronavirus mu bipimo bishya byari bimaze gufatwa icyo gihe.
Source : https://impanuro.rw/2020/10/03/sadio-mane-yasanzwemo-coronavirus/
