Umutoza Ronald Koeman wa Barcelona avuga ko imikinire ya Lionel Messi 'ishobora kuba myiza kurushaho' ariko ko uyu kapiteni w'iyi kipe 'yishimye', abajijwe niba azatwara igikombe cya Champions League yagize ati' Ntabwo duhabwa amahirwe, ariko dushobora kugera kure'
Koeman yagize ati: 'Nta kwinuba na gucye mfite cyangwa ugushidikanya ku muhate we'.
Yakomeje agira ati: 'Kuri ubu imikinire ye ishobora kuba myiza kurushaho. Umunsi ku munsi, aba yishimye ndetse ashaka gukina no kuba kapiteni w'ikipe'.
Uyu rutahizamu ukomoka muri Argentina w'imyaka 33, ku mpeshyi ishize yagerageje kuva muri iyi kipe ndetse yavuze ko ibibazo byabaye mu gushaka kugenda kwe ari 'ikinamico irimo ubugome'.
Messi kuva champions yo muri muri Espagne yatangira amaze gutsinda igitego kimwe kugeza ubu.
Kuri uyu wa kabiri tariki 20 Ukwakira 2020, Barcelona iratangira guhatanira Champions League y'uyu mwaka ikina na Ferencvaros yo muri Hongrie (Hungary).Ni umukino utangira saa tatu za nijoro (21h) ku isaha ya hano mu Rwanda.
Messi ari mu mwaka we wa nyuma kuri kontaro afitanye na Barcelona ndetse azahura na Juventus na Cristiano Ronaldo muri iri tsinda G rya Champions League y'uyu mwaka.
Juventus, ifite igikombe cya shampiyona y'Ubutaliyani, izaha akazi gakomeye Barcelona, ndetse Koeman yavuze ko iyi kipe itari mu zihabwa amahirwe menshi yo kwegukana iki gikombe uyu mwaka.
Uyu wahoze atoza ikipe y'igihugu y'Ubuholandi yagize ati: 'Iyo uri muri Barcelona, buri gihe ubu ushaka gutsindira ibikombe, haba muri La Liga [shampiyona ya Espagne] cyangwa i Burayi'.
'Ntabwo duhabwa amahirwe, ariko dushobora kugera kure'.
Ikipe ya Barcelona ni igikombe iheruka mu mwaka wa 2015.
