Rutahizamu w'umunyarwanda ukinira Simba SC yo muri Tanzania, Meddie Kagere ashobora kudakina umukino u Rwanda ruzakina na cape Verde mugushaka itike y'igikombe cy'Afurika cya 2022 kubera imvune.
Amavubi y'u Rwanda azakina na Cape Verde tariki ya 11 Ugushyingo 2020 muri Cape Verde mu gihe umukino wo kwishyura uzabera i Kigali tariki ya 17 Ugushyingo 2020.
Uyu mukino rero ushobora kutazitabirwa na rutahizamu Meddie Kagere bitewe n'imvune yagiriye ku mukino wa JKT Tanzania banatsinze 4-0 atsindamo ibitego wabaye ku wa 4 Ukwakira.
Umuvugizi wa Simba SC yabwiye Global Publishers ko uyu rutahizamu agomba kumara hanze ibyumweru 3 akabona gutangira imyitozo.
Bivuze ko uyu mukinnyi yazatangira imyitozo tariki ya 6 Ugushyingo 2020, bikaba byaba bigoranye ko yazakina uyu mukino wo ku itariki 11 Ugushyingo.
Meddie Kagere akaba yiyongereye ku bandi bakinnyi ba Simba SC bavunitse barimo Gerson Fraga ndetse na John Bocco ariko we yatangiye imyitozo yoroheje.
Source : http://isimbi.rw/siporo/article/meddie-kagere-ashobora-kudakina-umukino-cape-verde
