APR na Patriots zitwaye neza ku munsi wa mbere w'isubukurwa rya shampiyona ya Basketball #rwanda #RwOT

Ku munsi w'ejo ni bwo shampiyona ya Basketball mu Rwanda yari yasubukuwe nyuma y'amezi 7 yarahagaza kubera icyorezo cya Coronavirus, akaba ari na wo mukino wasubukuwe bwa mu Rwanda nyuma y'isubikwa ry'imikino, APR BBC na Patriots zikaba zaritwaye neza ku mikino yazo ya mbere.

Iyi shampiyona yasubukuwe ibera muri Kigali Arena ariko ikinwa mu buryo bw'umuhezo, nta bantu bari bemerewe kwinjira, habaye imikino 5, 3 y'abagabo n'ibiri y'abagore.

Iyi mikino ikaba yarahereye muri kamarampaka aho bafashe amakipe 8 ya mbere mu bagabo bakayashyira mu matsinda 2, aho muri buri tsinda hazamuka amakipe 2 agakina ½.

Mu itsinda B, ku munsi w'ejo Patriots ifite igikombe cya shampiyona giheruka yatsinze Espoir BBC amanota 77-48, muri iri tsinda kandi APR BBC yatsinze RP-Huye amanota 78-65.

Mu itsinda A habaye umukino umwe, RP- IPRC Kigali yatsinze RP- IPRC Musanze amanota 104-50.

Reba uko amakipe yatsindanywe ku munsi wa mbere

RP-IPRC Kigali 104-50 RP-IPRC Musanze
RP-IPRC Huye (W) 73-57 The Hoops
RP-IPRC Huye 65-78 APR BBC
Ubumwe (W) 74-70 APR WBBC
Patriots BBC 77-48 Espoir BBC

Patriots ifite igikombe cya shampiyona giheruka nta kosa yakoze ku mukino wa mbere

APR BBC yatangiye itsinda umukino wa yo wa mbere

APR WBBC ntabwo yahiriwe n'umunsi wa mbere kuko yatsinzwe n'Ubumwe

Source : http://isimbi.rw/siporo/article/apr-na-patriots-zitwaye-neza-ku-munsi-wa-mbere-w-isubukurwa-rya-shampiyona-ya-basketball