Uyu munsi ikipe ya APR FC irakina imikino ibiri ya gishuti n'amakipe yo mu cyiciro cya 2, Rwamagana City na Rutsiro FC, ni mu rwego rwo kwitegura umwaka utaha w'imikino.
Imikino yose irabera ku kibuga cy'i Shyorongi kuri uyu wa Gatandatu tariki ya 31 Ukwakira 2020, ni mu rwego rwo kwitegura imikino nyafurika ya CAF Champions League izitabira mu kwezi gutaha guhera tariki ya 21 Ugushyingo na shampiyona izatangira mu kwa 12.
Aya makipe yo mu cyiciro cya kabiri nayo akaba arimo yitegura imikino ya kamarampaka izayafasha gushaka itike yo kuzamuka mu cyiciro cya mbere.
Ku ikubitiro ku isaha ya saa 10h haraba umukino wa APR FC na Rwamagana City, ni mu gihe uwa Rutsiro uri bube saa 15h30'.
Si umukino wa mbere wa gishuti APR FC igiye gukina kuko yakinnye imikino 2 na AS Kigali buri umwe bawunganya 1-1, bakinnye kandi na Etoile del'Est bayitsinda 3-0.
Source : http://isimbi.rw/siporo/article/apr-fc-irakina-imikino-2-ya-gishuti-uyu-munsi
