Rutahizamu w'umunyarwanda ukinira ikinira ikipe ya Simba SC, Meddie Kagere yahembwe nk'umukinnyi w'ukwezi kwa Werurwe muri shampiyona ya Tanzania.
Uyu mukinnyi akaba ari igihembo yahawe hagendewe ku musaruro we w'ukwezi kwa Werurwe mbere y'uko shampiyona y'iki gihugu isubikwa kubera COVID-19. Akaba yahigitse Paulo Ninga wa Lipuli FC na Never Tigere wa Azam FC.
Shampiyona y'iki gihugu yagarutse muri Kamena 2020, gusa kuva yagaruka umuntu yavuga ko atahiriwe kuko ntabwo yongeye kubona umwanya wo gukina cyane ko imikino myinshi asigaye aza asimbura.
Ibi bikaba byatumye kapiteni we muri Simba SC, John Raphael Bocco ari we utorwa nk'umukinnyi w'ukwezi kwa Kanama ahigitse Atupele Green wa Biashara United na Martin Kiggi wa Alliance FC.
Umutoza Mukuru wa KMC FC, Harerimana Haruna, yatowe nk'uwitwaye neza kurusha abandi Werurwe 2020 atsinze Sven Vendenbroeck wa Simba SC na Khalid Adam wa Mwadui FC.
Kessy Mziray utoza Alliance FC ni we watowe nk'umutoza w'ukwezi kwa Kamena, ahigitse Luc Eymael wa Yanga SC na Sven Vandenbroeck wa Simba SC.
source http://isimbi.rw/siporo/article/kagere-meddie-utamerewe-neza-muri-simba-sc-yahawe-igihembo-cy-umukinnyi-w-ukwezi
