Myugariro wa Rayon Sports, Youssou Diagne yakuwe mu myitozo y'iyi kipe yihutanwa mu bitaro nyuma y'imvune y'ukuboko yagize.
Ni imvune yagiriye mu myitozo yo kuri uyu wa Kabiri tariki ya 23 Ukuboza 2025 mu Nzove.
Youssou Diagne usanzwe ukina mu bwugarizi bw'iyi kipe ntabwo yasoje imyitozo kuko yaje kugira imvune y'ukuboko kw'iburyo aho n'igufa ryatandukanye.
Yahise ajyanwa mu Bitaro bya Legacy, akaba agomba kumara igihe hanze y'ikibuga adakina.
Diagne si we mukinnyi wa mbere wa Rayon Sports ugize ikibazo cy'imvune y'ukuboko kuko na Ndikumana Asman na we aheruka gukiruka imvune y'ukuboko yagiriye ku mukino wa Singida Black Stars.
Youssou Diagne yagize imvune ikomeye
Source : http://isimbi.rw/myugariro-wa-rayon-sports-yakuwe-mu-nzove-yihutanwa-mu-bitaro.html
