Ikipe ya Union Sportive de la Médina Khenchela yo mu kiciro cya mbere mu gihugu cya Algeria yatangaje ko yamaze gutandukana n'abakinnyi batatu barimo Manishimwe Djabel.
Iyi kipe ibinyujije ku mbuga nkoranyambaga zayo harimo na Instagram yahamije ko yatandukanye na Bakou, Touil na Djabel.
Iyi kipe yagize iti 'Ubuyobozi bwa USM Khenchela burifuriza amahirwe masa abakinnyi batatu; Bakou, Touil na Djabel (Manishimwe) mu rugendo rwa bo. Burabashimira ubunyamwuga bagaragaje igihe bari bambaye umwambaro w'ikipe.'
Djabel avuye muri Algeria nyuma yaho yari yagiyemo avuye mu ikipe Mukura VS yakiniye igihe gito, ayivamo yerekeza muri USM Khenchela yakiniraga.
Nyuma y'igice kibanza cya Shampiyona y'Icyiciro cya Mbere muri Algeria, USM Khenchela iri ku mwanya wa karindwi n'amanota 23 ku rutonde ruyobowe na MC Alger n'amanota 36.
The post Manishimwe Djabel yatandukanye na USM Khenchela yo muri Algeria yari amazemo amezi 5 appeared first on RUSHYASHYA.
