Header Ads Widget

Technology

Emmanuel Macron yongeye gutorerwa kuyobora u Bufaransa #rwanda #RwOT

Ku kiciro cya kabiri, Macron yatsinze n'amajwi 58% by'amajwi naho mucyeba we Marine Le Pen yagize amajwi 42%.

Abatora mu Bufaransa kuri iki kiciro cya kabiri bitabiriye itora ku gipimo cya 28%, igipimo kiyongereye ugereranyije na 25% mu matora aheruka mu 2017.

Abashyigikiye Macron bari bakoraniye mu busitani buri hafi ya Tour d'Eiffel i Paris bahise batera hejuru mu byishimo.

Baririmbaga mu bagira bati : "Macron, President" mbere gato na nyuma y'uko atangajwe nk'ugiye gutegeka Ubufaransa indi myaka itanu.

Bimwe mu byo wamenya kuri Perezida Macron wongeye gutorerwa gutegeka Ubufaransa, soma hano : Macron : Kuva k'uwutazwi muri poritike gushika kuba umukuru w'igihugu

Le Pen yemeye ko yatsinzwe

Marine Le Pen, utsinzwe ku nshuro ya gatatu amatora ya perezida, yabwiye abamushyigikiye ko nubwo atsinzwe urugamba rutarangiye kandi ko bageze ku musaruro w'amateka.

Ku majwi ya Le Pen hiyongereyeho amanota 8 ugereranyije n'amatora ya 2017 ubwo nabwo yari ahanganye na Macron.

Yanenze Macron gukoresha inzira z'amanyanga mu kwiyamamaza, ashimira abantu - by'umwihariko bo mu byaro no hanze y'Ubufaransa - bakomeje kumunambaho.

Le Pen yavuze ko azakomeza kuba inkingi ikomeye itavugarumwe na Macron.



Source : http://www.ukwezi.rw/Mu-mahanga/Amakuru-anyuranye/article/Emmanuel-Macron-yongeye-gutorerwa-kuyobora-u-Bufaransa

Post a Comment

0 Comments

Nature