Mu ijoro ryo kuri uyu wa Mbere nibwo biteganyijwe ko abakinnyi 2 b'abanya-Maroc bari intizanyo ya Raja Casablanca muri Rayon Sports, Ayoub Ait na Rharb Youssef bari busubire iwabo.
Ku wa Gatanu w'icyumweru gishize nibwo Rayon Sports yatangaje ko aba bakinnyi bari batijwe n'iyi kipe binyuze mu bufatanye bagiranye tariki ya 19 Nyakanga 2021 bagomba gusubira mu ikipe yabo.
Byabaye nyuma y'uko aba bakinnyi bari batangarije itangazamakuru ry'iwabo ko mu Rwanda babayeho nabi.
Amakuru ISIMBI yamenye ni uko mu gitondo cyo kuri uyu wa Mbere tariki ya 17 Mutarama 2022, ubuyobozi bwa Rayon Sports bwahuye n'aba bakinnyi bubasezeraho, ni mu gihe bagomba gufata indege basubira iwabo mu ijoro ryo kuri uyi wa Mbere rishyira ku wa Kabiri.
Ayoub na Youssef bageze mu Rwanda muri Nzeri 2021, bakaba bari batijwe na Raja Casablanca bitewe n'amasezerano y'imyaka 5 y'ubufatanye yasinywe hagati ya Rayon Sports na Raja Casablanca.
Source : http://isimbi.rw/siporo/article/youssef-na-ayoub-barasubira-iwabo-uyu-munsi
