Header Ads Widget

Technology

Super Manger na Evariste umugabo wa Mukaperezida biyandikishije mu bashaka ikamba rya "Rudasumbwa" w'u Rwanda #rwanda #RwOT

Abasore barenga 300 bamaze kwiyandikisha mu bari guhatanira ikamba rya Rusasumbwa w'u Rwanda 2022, barimo n'abasanzwe bazwi aribo Gakumba Patrick wamamaye nka Super Manager na Kwizera Evariste umugabo wa Mukaperezida.

Guhera ku itariki ya 18 Ukuboza 2021,nibwo Kompanyi yitwa Imanzi Ltd itegura irushanwa rya Mr Rwanda yafunguye urubuga rwa internet www.mrmissrwanda.rw abasore biyandikishirizaho. Mu gihe cy'iminsi ibiri, abasore 100 bari bamaze kwiyandikisha.

Ibitangaje ku basore 300 bamaze kwiyandikisha muri Mr Rwanda barimo Super Manger na Evariste umugabo wa Mukaperezida

Uyu munsi tariki ya 5 Mutarama 2022, abategura irushanwa rya Mr Rwanda babwiye Ikinyamakuru Inyarwanda dukesha iyi nkuru ko abasore 300 ari bo bamaze kwiyandikisha, mu bari guhatanira ikamba rya Rudasubwa w'u Rwanda 2022.

Abamaze kwiyandikisha harimo Gakumba Patrick [Super Manager] ndetse na Kwizera Evariste usanzwe ari umugabo wa Mukaperezida.

Super Manager azwi nk'umuhanzi ariko kandi ugaragara cyane binyuze mu biganiro bitandukanye agirana na shene za Youtube. Ajya anyuzamo akiyita 'umwami wa Youtube'.

Kuva mu 2020 yavuzwe mu igura n'igirusha ry'abakinnyi, guhangana n'abamwibasira mu biganiro bitandukanye n'ibindi.

Ni umwe mu bantu bazwi mu Rwanda basinyira amafaranga yo kwamamaza ibigo bitandukanye atavugwaho rumwe.

Umusore wiyandikisha muri Mr Rwanda asabwa kuba ari hagati y'imyaka 18 na 30 y'amavuko. Super Manager yatangarije INYARWANDA dukesha iyi nkuru ko afite imyaka 23 y'amavuko, ko ntawe ukwiye gushingira ku gihagararo cye ngo avuge ko arengeje iyi myaka. Ati 'Ku munsi wo kwiyamamaza nzerekana irangamuntu.'

Kwizera Evaritse ushaka ikamba rya Mr Rwanda yavuzwe cyane mu itangazamakuru kuva muri Gashyantare 2019 ubwo hasakagaraga inkuru y'urukundo rwe na Mukaperezida.

Kwizera yabwiye yatangaje ko yamaze kwiyandikisha ariko ko adafite icyizere cy'uko bazamufata bitewe n'uko afite umugore.

Mu kiganiro n'itangazamakuru cyo ku wa 17 Ukuboza 2021, abategura Mr Rwanda bavuze ko umugabo wubatse ufitanye isezerano n'umugore we atemerewe kwitabira.

Umusore wiyandikisha asabwa kwandika amazina ye yombi, itariki y'amavuko, Email, nimero za telefoni, aho atuye n'Intara abarizwamo cyangwa ashaka kuziyamamarizamo.

Mr Rwanda, ni irushanwa ritari rimenyerewe mu Rwanda. Byanatumye inzego za Leta zigenda gacye mu gutanga ibyemezo kuri Imanzi Ltd yiyemeje kuritegura.

Ntirihita ryumvikana neza mu matwi ya benshi, bibaza ibizashingirwaho mu kwemeza ko umusore ari Rudasumbwa mu bandi.

Gusa, iri rushanwa ryubakiye ku guhitamo umusore ufite indangagaciro Nyarwanda, ugaragara neza kandi wabasha kwimana u Rwanda aho yatumwa.

Rifite intego yo guhitamo umusore ufite umutima w'ubutwari/umuhate (Brave), Ubwenge (Brain) n'Umuco (Culture)

Ibyo umusore asabwa kugira ngo yitabire irushanwa rya Mister Rwanda:

1.Kuba ari umunyarwanda.

2.Kuba afite hagati y'imyaka 18 na 30.

3.Kuba atarakatiwe n'inkiko.

4.Kuba yararangije amashuri yisumbuye cyangwa se kuzamura.

5.Kuba asa neza bigaragarira buri wese (Physical Appearance).

6.Agomba kuba ari umuntu ufite umuco Nyarwanda.

Iyi modoka izahembwa Mr Rwanda ifite agaciro ka miliyoni 10 Frw, yamurikiwe itangazamakuru kuri uyu wa 17 Ukuboza 2021 mbere y'ikiganiro n'abanyamakuru.

Iyi modoka yatanzwe na TomTransfers ari nayo sosiyete yateye inkunga irushanwa rya Mr Rwanda rigiye kuba bwa mbere muri uyu mwaka.

Ni irushanwa riri gutegurwa na Sosiyete yitwa 'Imanzi Agence Ltd' ifatanyije na TomTransfers.

Byitezwe ko Ikamba rya Rudasumbwa w'u Rwanda rizatangwa muri Gashyantare 2022, mu gihe guhera mu Ukuboza uyu mwaka abasore bo mu ntara zitandukanye bazaba batangiye kwiyandikisha.

Refe: INYARWANDA.COM



Source : https://umuryango.rw/imyidagaduro/article/super-manger-na-evariste-umugabo-wa-mukaperezida-bari-mubasore-300-bari-gushaka

Post a Comment

0 Comments

Nature