Umukinnyi Rayon Sports igenderaho yashyize hanze amashusho ari kunywa Shisha #rwanda #RwOT

Rutahizamu wa Rayon Sports,Manace Mbedi Mutatu,yashyize hanze amashusho arimo atumura imyotsi ya Shisha yaciwe mu Rwanda mu myaka ishize.

Uyu mukinnyi usatira anyuze ku mpande ukomoka muri DR Congo, abinyujije kuri Instagram Stories ye, yashyize hanze amashusho amugaragaza arimo atumura iyi shisha.

Aho yarimo anywera iyi shisha ntabwo hagaragara niba ari mu Rwanda cyangwa se iwabo muri DR Congo, ni mu gihe mu Rwanda iki kiyobyabwenge muri 2018 cyabujijwe kongera gukoreshwa mu Rwanda.

Asohoye aya mashusho mu gihe imyitozo y'iyi kipe irimbanyije yitegura shampiyona y'icyiciro cya mbere mu mwaka w'imikino wa 2021-22 uzatangira tariki ya 30 Ukwakira 2021.



Source : https://umuryango.rw/imyidagaduro/imikino/article/umukinnyi-rayon-sports-igenderaho-yashyize-hanze-amashusho-ari-kunywa-shisha

Post a Comment

0 Comments