Perezida Paul Kagame yakurikiye umukino Cote d'Ivoire yatsizemo Senegal ibasha kugera ku mukino wa nyuma wa AfroBasket uri buyihuze na Tunisia #rwanda #RwOT

webrwanda
0

Ku mugoroba wo kuri uyu wa gatandatu nibwo hakinwaga imikino ya kimwe cya kabiri cy'irushanwa Nyafurika mu mukino w'intoki wa Basketball mu bagabo, ni umukino yatanze amakipe akina umukino wa nyuma kuri iki cyumweru ariyo Cote d'Ivoire na Tunisia.

Ubwo hari ku isaha ya saa munani z'amanywa zo kuri uyu wa Gatandatu tariki ya4 Nzeri nibwo hakinwe umukino wa mbere wa kimwe cya kabiri wahuje ikipe ya Tunisia yatsinze ikipe ya cape Verde amanota 75 kuri 65.

Mu uyu mukino wayobowe cyane na Tunisia inafite igikombe giheruka yakoze amanota 16 kuri 14 ya Cape Verde, mu gace kakabiri nabwo yagatsinze ku manota 20 kuri 15, ni mu gihe agace ka gatatu ikipe ya Cape Verde yongeye gutsindwa ku manota 23 kuri 15 ariko akanyuma yitwara neza itsinda 21 kuri 16 ya Tunisia nubo ntacyo byayifashije.

Uyu mukino wahise ugaragaza ko ikipe y;igihugu ya Tunisia ariyo igeze ku mukino wa Nyuma aho yagombaga gutegereza ikipe bari buhure hagati ya Cote d'Ivoire na Senegal wahise ukurikiraho.

Ku isaha ya saa kumi n'imwe nibwo uwo mukino wa kabiri wa kimwe cya kabiri wahise ukurikiraho, ni imikino yose yabereye mu nyubako ya Kigali Arena, by'umwihariko uyu mukino wa kabiri wakurikiwe na Perezida Paul Kagame nk'uko byatangajwe n'ibiro by'umukuru w'igihugu.

Mu mafoto yashyizwe hanze, Perezida Paul Kagame yari kumwe na Minisitiri wa Siporo ariwe Madame Aurore Munyangaju Mimosa ndetse n'umuyobizi w'ishyirahamwe ry'umukino wa Basketball mu Rwanda Mugwiza Desire.

Uyu mukino aba banyacyubahiro bakurikiye warangiye ikipe ya Senegali isezerewe na Cote d'Ivoire ku manota 75 kuri 65 (17-13, 19-16, 17-19, 22-17).

Nyuma yaho ikipe ya Tunisia na Cote d'Ivoire zigeze ku mukino wa nyuma, zirakina kuri iki cyumweru tariki ya 5 Nzeri 2021 ku isaha ya saa kumi n'imwe z'umugoroba, uyu mukino uraza ukurikira uwo guhatanira umwanya wa gatatu uri buhuze Senegal na Cape Verde ku isaha ya saa saba n'igice muri Kigali Arena.

The post Perezida Paul Kagame yakurikiye umukino Cote d'Ivoire yatsizemo Senegal ibasha kugera ku mukino wa nyuma wa AfroBasket uri buyihuze na Tunisia appeared first on RUSHYASHYA.



Source : https://rushyashya.net/perezida-paul-kagame-yakurikiye-umukino-cote-divoire-yatsizemo-senegal-ibasha-kugera-ku-mukino-wa-nyuma-wa-afrobasket-uri-buyihuze-na-tunisia/?utm_source=rss&utm_medium=rss&utm_campaign=perezida-paul-kagame-yakurikiye-umukino-cote-divoire-yatsizemo-senegal-ibasha-kugera-ku-mukino-wa-nyuma-wa-afrobasket-uri-buyihuze-na-tunisia

Tags

Post a Comment

0Comments

Post a Comment (0)