Umuhanzi Nyarwanda, Mico The Best uherutse gutangaza ko yanyuze mu bihe bikomeye kubera ukuntu yasebejwe ngo yakubise umugore we, yavuze ko ubukwe bwabo buzaba ku Cyumweru.
Abinyujije ku rukuta rwe rwa Instagram, Mico The Best yavuze ko ubukwe bwe na Ngwinondebe Clarisse buzaba tariki ya 26 Nzeri 2021.
Kuri uwo munsi nibwo hazaba umuhango wo gusaba no gukwa n'indi mihango, ni mu gihe abatumiwe basabwe kubanza kwipimisha icyorezo cya COVID-19.
Bagiye gukora ubukwe nyuma y'uko muri Kanama 2021 bari basezeranye imbere y'amategeko ni mu gihe muri Nyakanga 2021 yari yamwambitse impeta ya fiançailles amusaba ko yazamubera umugore.
Ubutumire mu bukwe bwa Mico The Best
Mico The Best na Clarisse bazakora ubukwe ku Cyumweru
