Ikipe ya Tottenham yamaze gutangaza ko uwari umutoza wayo Jose Mourinho yamaze kumwirukana, nyuma y'amezi 17 yonyine ayitoza.
Mourinho w'imyaka 58 y'amavuko, yageze muri Tottenham mu Ugushyingo 2019 asimbuye umunya-Argentine Mauricio Pochettino, afasha iyi kipe yo mu mujyi wa London gusoza ku mwanya wa gatandatu muri Premier League umwaka ushize.
Kuva Mourinho yagera muri Tottenham, ntabwo iyi kipe yigeze igaragaza kuzamura urwego, ahubwo yasubiye hasi ugereranyije n'uko Pochettino yayisize.
Magingo aya Tottenham iri ku mwanya wa karindwi muri shampiyona, ndetse ikaba yarasezerewe muri Europa League muri Werurwe.Mu mikino itatu ya shampiyona iyi kipe iheruka gukina, yasaruyemo amanota abiri gusa ku manota icyenda basabwaga kubona, ibintu bitashimishije abakunzi ba Tottenham.
Ubuyobozi bw'iyi kipe, buyobowe na Daniel Levy bwafashe umwanzuro wo kwirukana Mourinho nyuma y'amezi 17 gusa ahawe akazi ko gutoza iyi kipe yari yasinyiye amasezerano yo kugeza mu mwaka w'imikino wa 2022/2023.
Comments
0 comments
Source : https://yegob.rw/jose-mourinho-yirukanwe-muri-tottenham-igitaraganya/
