Rutahizamu w'ikipe y'igihugu Amavubi na APR FC, Jacques Tuyisenge, yavuze ko ikipe ye idafite akazi koroshye niba ikeneye itike yo kuzakina igikombe cya Afurika (AFCON 2022/ CAN 2022) izabera muri Cameroun mu ntangiriro z'umwaka utaha wa 2022 igikombe Amavubi aherukamo mu mwaka wa 2004.
Ibi Jacques Tuyisenge yabivugiye mu kiganiro yagiranye na BBC aho yagize ati " Umukino wo mu rugo buri gihe uba ari ingenzi, kuko tugomba gutsinda imikino isigaye ngo dukomeze. Ibyo bigomba guhera kuri Mozambique twayakiriye. Nidutsindwa, amahirwe yacu azaba arangiye ".
Jacques Tuyisenge ntiyahamagawe mu bakinnyi bazakina na Mozambique kubera imvune yagiriye ku mukino wa Guinea muri CHAN 2020.
Jacques Tuyisenge yavunikiye muri CHAN 2020
U Rwanda rurasabwa gutsinda OS Mambas ya Mozambique gusa ibi ntibyaba bihagije, kuko hazaba hagisabwa akazi gakomeye ko gutsindira Cameroun iwayo mu mukino wa nyuma wo mu itsinda. Ibi bisa nk'ibidashoboka.
Kuri ubu U Rwanda ni urwa nyuma mu itsinda F n'amanota abiri mu mikino ine rumaze gukina, ariko rushobora kugera muri CAN 2022 rubashije gutsinda imikino ibiri yombi rusigaraganye, harimo wa Mozambique i Kigali tariki ya 24 Werurwe ndetse na Cameroun i Yaounde tariki ya 30 Werurwe 2021.
Comments
0 comments
