Itangazo rituruka mu biro bya Minisitiri w'intebe, kuri uyu wa 29 Werurwe 2021 hashyizweho ingamba nshya zo gukumira no kwirinda ikwirakwira ry'icyorezo cya Covid-19 zigomba gutangira kubahirizwa ejo ku wa Kabiri tariki ya 30 Werurwe 2021.
Izi ngamba zavuguruwe na guverinoma y'u Rwanda hashingiwe ku isesengura ry'inzego z'ubuzima mu rwego rwo gukumira icyorezo cya Covid-19.
Mu ngamba zisanzweho z'ingenzi kandi zizakomeza kubahirizwa mu gihe cy'iminsi 15 ni uko ingenzo zibujijwe guhera saa tatu z'ijoro (9:00 pm) kugeza saa kumi za mugitondo (4:00 am) ndetse ibikorwa byose byemerewe bikazakomeza bikajya bifunga saa mbili z'umugoroba (8:00 pm).
Umwihariko kuri iyi ngingo ni uko mu turere tw'Intara y'Amajyepfo ari two Huye, Nyaruguru, Nyamagabe, Ruhango, Nyanza na Gisagara ingenzo zibujijwe guhera saa moya z'umugoroba (7:00 pm) kugeza saa kumi sa mugitondo (4:00 am).
Dore uko itangazo ry'ibiro bya Minisitiri w'intebe rivuga:
Source : https://impanuro.rw/2021/03/29/covid_19-uturere-twintara-yamajyepfo-twahawe-isaha-yihariye/
