Chelsea FC yabigezeho imaze gutsinda Atletico Madrid ibitego 2-0 byiyongera kuri 1-0 yayitsinze mu mukino ubanza mu gihe Bayern Munich yo yatsinze Lazio 2-1 byiyongera kuri 4-1 yari yayitsinze mu mukino ubanza bikaba 6-2.
Chelsa yafunguye amazamu ku munota wa 34 ku gitego cyatsinzwe giturutse kuri Counter attack yakozwe na Kai Havertz ahereza umupira Timo Werner, nawe arawirukankana awuhereza Hakim Ziyech wari wenyine imbere y'izamu awohereza mu nshundura.
Atletico Madrid yabonye ikarita y'umutuku ku munota wa 82 yahawe myugariro Stefan Savic nyuma y'inkokora yateye Antonio Rudiger ku bushake.
Chelsea yabonye igitego cya 2 ku munota wa 3 w'inyongera ibifashijwemo na Emerson wari umaze umunota umwe yinjiye.Umutoza Tuchel wa Chelsea ntaratsindwa mu mikino 13 amaze kuyitoza.
Ku rundi ruhande,Bayern Munich yageze muri ¼ yihanije Lazio ku bitego 6-2 mu mikino yombi ariko uyu munsi yayitsinze 2-1 byatsinzwe na Robert Lewandowski kuri Penaliti ku munota wa 33 na Choupo Moting ku munota wa 73 mu gihe Marco Parolo ariwe watsinze impozamarira ya Lazio ku munota wa 82.
Tombola y'uko amakipe azahura muri 1/4 cya UEFA Champions League izaba kuwa Gatanu tariki 19 Werurwe 2021 I Nyon mu Busuwisi.
Amakipe yageze muri ¼ cya UEFA Champions League :
Bayern (GER)
Chelsea (ENG)
Dortmund (GER)
Liverpool (ENG)
Manchester City (ENG)
Paris (FRA)
Porto (POR)
Real Madrid (ESP)
Ingengabihe
1/4
Imikino ibanza: 6/7 Mata 2021
Iyo kwishyura: 13/14 Mata 2021
1/2
Imikino ibanza: 27/28 Mata
Iyo kwishyura: 4/5 Gicurasi
Umukino wa nyuma
Kuwa 29 Gicurasi 2021 (Atatürk Olympic Stadium, Istanbul)
