Akayabo k'amafaranga angana na 4,500,000 rwf nicyo gihembo abakinnyi b'amavubi bahawe nyuma guhagararira neza u Rwanda mu mikino ya CHAN2020 bakagarukira muri 1/4 basezerewe na Guinéa ku gitego 1-0.
ku i tariki ya 7 Mutarama nibwo Amavubi yasesekaye mu Rwanda yakirwa n'imbaga y'abanyarwanda benshi gusa nyuma y'iminsi mike bakiriwe byumwihariko na Nyakubahwa Umukuru w'Igihugu anabizeza ibihembo n'ubwo bitahise bitangazwa.
Mu ijambo rye yagize ati 'Twari twavuganye na Minisitiri wa Siporo tuvugana na leta, turavuga ngo reka abakinnyi b'ikipe y'igihugu yacu, abatoza n'abandi babafasha mu bintu bitandukanye bya ngombwa na byo hari ibyo numvise FIFA igenera amakipe bidasobanutse cyane, ariko ubu biragenda bijya mu buryo. Nari nasabye ko natwe nka leta twashaka icyo tubagenera kirenze icyo'.
Yakomeje kandi avuga ko Minisitiri wa Siporo azabibagezeho
Ati'Ibyo Minisitiri arabibagezaho,no mu mikoro make yacu nk'igihugu ntabwo twabura bike dushobora gushimira abantu tukagira icyo tubaha, tugakomeza gutera imbere'.
Kuri uyu wa mbere rero nibwo ibyo bihembo byamenyekanye bingana n'amafaranga 4,500,000 akaba aje asanga andi angana na 4,900,000 rwf y'agahimbaza musyi bari bemerewe.Ubwo yose hamwe ni amafaranga 9,400,000 rwf kuri buri mukinnyi.
